Татарстанның беренче сыйныф укучылары өчен китапларга 23,3 млн сум акча бүлеп бирелде

Тиражны бастыруга республика бюджетыннан 23,3 млн сум бүлеп бирелгән, бу хакта ТР Финанс министрлыгы матбугат хезмәте хәбәр итә .

Китап рус һәм татар телләрендә басылып чыкты һәм Россия халыклары бердәмлеге елына багышланды . Анда республика территориясендә яшәүче татар, рус, чуаш, удмурт, мари һәм мордва халыкларының гореф-гадәтләре, телләре, фольклоры һәм милли үзенчәлекләре турында материаллар тупланган .

Бу халыкларның мәдәнияте белән танышырга интерактив элементлар ярдәм итә: QR-кодлар ярдәмендә укучылар өстәмә мәгълүмат ала алалар — Россия гимнын тыңлый алалар, әкиятләр укыйлар, Идел баһадирлары турында мультфильмнар карыйлар.

Татарстанда беренче сыйныф укучыларына   ел саен китап бүләк итәләр . 2025 елда балалар Җиңүнең 80 еллыгына багышланган «Татарстан — фронтка» дигән китап алдылар, аны бастыруга 18,6 млн сум акча җибәрелде . 2024 елда бүләк итеп «Фән — балаларга» китабы бирелде.

татар-информ