"Татмедиа" ел башыннан журналларны сатуны 92 процентка арттырган

Медиахолдингның генераль директоры Шамил Садыйков «Татар-информ»га интервьюсында «Татмедиа» төрле полиграфия продукцияләрен, шул исәптән район газеталарын да сату белән шөгыльләнүе турында сөйләде.

Һәр филиал алдында матбугатка язылу белән тәэмин итү генә түгел, ә турыдан-туры сатуны да җайга салу бурычы куелган. Яр Чаллы, Түбән Кама, Әлмәт кебек эре шәһәрләрдә мондый эш челтәр партнерлары – киосклар һәм якында урнашкан кибетләр аша алып барыла. Авыл районнарында – почта бүлекчәләре аша. Бүгенге көндә Татарстанда 450 дән артык сәүдә нокталарында «Татмедиа» басмалары сатыла.

Генераль директор «Татамедиа» журналы продукциясенә ихтыяҗ артуның тагын бер сәбәбен китерде – ул Мультимедиа цифрлы платформалар белән интеграция. Журналлардагы күп кенә язмалар QR-кодлар белән бирелә.  Мәсәлән, тарихи вакыйгалар турындагы мәкаләләрдә сылтамалар буенча видеоматериалга яки өстәмә иллюстрацияләргә күчәргә мөмкин. Балалар журналларында QR-кодлар  онлайн-уеннар яки цифрлы буягычларга күчәргә мөмкинлек бирә.