Техника белән эшләгәндә җаваплылык беренче урында: Лениногорск политехника колледжында иминлек дәресләре

Шәһәрнең политехника колледжында иминлек дәресләре узды. Дәүләт техника күзәтчелегенең Лениногорск районы бүлеге башлыгы студентларга тормышны һәм сәламәтлекне, шулай ук техника белән эшләгәндә һәм юлларда тәртипне тәэмин итүдә иң мөһим булган шартлар турында сөйләде.  

Дәүләт техника күзәтчелеге бүлеге башлыгы Илнур Галимов студентлар белән очрашты һәм куркынычсызлык мәсьәләләренә, техниканы эксплуатацияләү өлкәсендә гамәлдәге нормаларны һәм стандартларны үтәүгә багышланган эчтәлекле мәгълүмати әңгәмә уздырды.

Очрашуның төп максаты яшьләрнең дәүләт техника күзәтчелеге эшчәнлеге турында хәбәрдарлыгын арттыру, шулай ук техник чаралар белән дөрес һәм куркынычсыз эш итүнең мөһимлегенә басым ясау булды.

Диалог барышында җиһазлар белән эшләүгә җаваплы мөнәсәбәт формалаштыруга һәм куркынычсызлык таләпләрен төгәл үтәүгә аерым игътибар бирелде, бу булачак белгечләр өчен аерым әһәмияткә ия.

фото: И. Галимовтан