Тимәштә легендар 3нче скважина янында бард җырлары фестивале узды

Татарстан нефтьчеләре өчен вакыты һәм символик урыны очраклы гына сайланмаган. 74 ел элек нәкъ менә биредә Ромашкино чыганагы ачылды – дөньядагы иң зур чыганакларның берсе булды.

-    Безнең профсоюз әгъзалары арасында бард җырлары фестивале-конкурсын үткәрү идеясе күптән туды инде. Учак янында бергә җыелып һәм гитара көйләренә яраткан җырларны җырлашып утыру бик күңелле, - ди, «Татнефть» компаниясенең ЛТПО профкомы рәисе Юлия Новичкова. - Безнең легендар скважинаның туган көне алдыннан тарихи урында, әлеге тау битендә җыелуыбыз да бик әйбәт.

Бу идеяне Лениногорскида яшәүче компания хезмәткәрләре шатланып хуплады. Кичәне учак янында балачактан һәркемгә таныш җырлар белән гаиләләр белән бергә үткәрергә килгәннәр.

Берәүләр фестивальдә катнашучылар булды,  икенчеләре –табигатьтә ял итте. Казаннан килгән  бард Александр Кузьминых белән җырладылар.

Фестиваль кысаларында термостагы иң яхшы чәйгә конкурс үтте. Әлеге хуш исле тәмле чәйләрнең 18 төрен дегустацияләделәр.