ТР Эчке эшләр министрлыгы Telegramны ябу турындагы ялган мәгълүматны кире какты
Татарстан Республикасы Эчке эшләр министрлыгы үз исеменнән Telegram мессенджерын ябуны таләп итү турында таралучы хәбәрләрнең дөреслеккә туры килмәвен белдерде.
Ведомство, мондый мәгълүматны «фейк» дип атады, җәмәгатьчелекне сак булырга чакырды.
Министрлык аңлатканча, узган матбугат конференциясендә бер журналисттан: «Мессенджерның һәм чикләүләрне урап үтү сервисларының эшен әкренәйтү дистанцион алдауларны киметергә булыша алыр идеме?» дигән сорау яңгыраган.
Әлеге сорауга уңай җавап бирелсә дә, мессенджерны мөмкин булган ябу турында бернинди дә фикер яки бәяләүләр белдерелмәгән.
«Массакүләм мәгълүмат чарасы вәкилләрен ведомствоның рәсми затлары әйткән сүзләрне дөрес булмаган рәвештә аңлатудан һәм таратудан тыелырга чакырабыз», — дип мөрәҗәгать итте Татарстан Эчке эшләр министрлыгы.
татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев