Түбән Камада эчке туризм үзәге ачылды
Түбән Камада эчке туризм үзәге ачылды, ул гидлар әзерләү һәм шәһәрнең туристик потенциалын үстерү мәйданчыгы булачак.
Бу хакта эшлекле дүшәмбедә Түбән Кама районы башлыгы Радмир Беляев эчке туризмны үстерү чаралары турында сөйләгәндә хәбәр итте.
«Беренче чиратта, эчке туризмны үстерү өчен без хәзер эшмәкәрлеккә ярдәм үзәгендә әлеге юнәлешне үстерү буенча аерым белгеч бүлеп бирүне карыйбыз», - дип билгеләде ул. Беляев сүзләренчә, бу эшкә туристлык базарында эшләүче эшмәкәрләр актив кушыла.
«Бездә мәдәни, спорт һәм фестиваль чараларының бай программасы планлаштырыла, ул туристларны җәлеп итү өчен өстәмә стимул булачак», - диде Радмир Беляев.
https://tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев