Укучылар хезмәт дәресендә кием тегәчәк?
Бу хакта Россия Мәгариф министрлыгының гомуми һәм урта белем бирү федераль программаларына үзгәрешләр кертү турындагы боерыгында әйтелә.
Урта мәктәп укучыларын хезмәт дәресләрендә тегәргә, ремонтларга һәм үз киемнәрен проектларга өйрәтәчәкләр.
Документ буенча, укучылар тукыма материалларын эшкәртергә, детальләрне бизәргә, кием тегәргә һәм ремонтларга, шулай ук проект буенча эшләнмәләр модельләрен ясарга өйрәнергә тиеш.
5-7 сыйныф укучыларының хезмәт дәресләре атнага ике тапкыр, ә 8-9 сыйныфларда бер тапкыр узачак. Башлангыч мәктәп укучыларын атнага бер дәрес көтә.
Хезмәт дәресләре Россия мәктәпләрендә 2024 елның 1 сентябреннән барлыкка киләчәк.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев