Укытучы ничә сәгать эшли?

РФ Мәгариф министрылыгы билгеләгән нормалар буенча квалификациясенә һәм хезмәт хакына карап укытучы атнасына 18 сәгать эшләргә тиеш. 

Укытучы  атнасына  ничә сәгать эшләргә тиешлеген белем бирү оешмасы билгеләп бетерә. Педагог-психолог, социаль-психолог хезмәтен башкаручылар атнасына  – 36, физкультура укытучылары һәм өлкән укытучылар – 30, музыка укытучылары – 24,  мәктәптә логопед  вазифасын башкаручылар нормада каралганча 20 сәгать эшли. Сәламәтлеге чикле балалар белән шөгыльләнүче  тәрбиячеләргә 25 сәгатьле эш атнасы билгеләнгән.

Шунысын да әйтик:  РФ  кануннары буенча илдә 8 сәгатьле 5 көнлек эш  атнасы каралган. Ләкин болар минималь норма булып тора. Укытучылар көнгә ничә сәгать эшли,  атнасына ничә көн ял итә, монысын белүче юк.

ЧЫГАНАК: https://magarif-uku.ru