Халыкара балаларны яклау көнендә Мөэмин-Каратайда балалар өчен Сабантуй үткәргәннәр

1 июнь - Халыкара балаларны яклау көне уңаеннан, Мөэмин-Каратай авылы мәдәният йорты, китапханә хезмәткәрләре белән берлектә балалар өчен Сабан туе узды. 

Балаларга бигрәк тә “Аркан тарту”, “Чүлмәк вату”, “Кашыкка йомырка куеп йөгерү”, “Капчык киеп йөгерү” уеннары ошады. Барча уеннар да шигырь, җыр, биюләр белән үрелеп барды, кызлар милли костюмнардан чыгыш ясадылар.    

Бәйрәм ахырында җиңүчеләргә истәлекле бүләкләр тапшырылды. Бәйрәмгә җыелганнар күтәренке күңел белән таралышты, – дип хәбәр итә авыл китапханәсеннән Таһир Шәмсуаров.