Иске Иштирәк авылы мәдәният йортында «Февро+Март» үтте

5 март көнне Иске Иштирәк авылы мәдәният йортында, "Февро+Март" дип исемләнгән бәйрәм кичәсе узды. 

Ике бәйрәмне берләштереп ясалган концерт иде ул.

Ир-егетләрне, нәфис гүзәл затларны бәйрәм белән котладылар.

9 нчы сыйныф укучылары төрле ярышларда катнашып, үзләренең тапкырлыкларын, җитезлекләрен, уңганлыкларын күрсәттеләр. 

Артист кызлар  матур биюләр, шигырьләр бүләк иттеләр. Ә хөрмәт итеп карарга килгән тамашачылар көч-дәрт  биреп, алкышлар белән бәйрәмне тагын да ямьләндерделәр, дип хәбәр итә авыл җирлеге башлыгы Гүзәл Шарапова телеграм-каналында. 

фотолар: авыл җирлегеннән