Юлтимер авылы зиратында өмә үткәрделәр

Зиратны карау һәр кешенең изге бурычы булып тора. Әлбәттә, халык гадәттә зиратка якыннарының һәм туганнарының каберләрен җыештырырга килә, әмма бу юлы тагын да катлаулырак бурыч - зиратны һәм аның тирәсен төзекләндерү тора иде, дип хәбәр итә Юлтимер мәдәният йорты.

Юлтимер авылы халкы көче белән зур эшләр башкарылган: корыган агачлар җыештырылган, зират территориясе чүп-чардан, яфраклардан һәм коры үләннән чистартылган. 

Авылдагы ир-егетләр техника белән дә ярдәм иткән.

“Киләчәктә зиратка килүчеләр тирә-якка чүп-чар ташлап калдырмаслар, дип ышанабыз”, - дип хәбәр итә юлтимерлеләр.

фотолар: Юлтимер авылыннан