Районыбызның Елховой авылында яшәүче Гөлсинә Бәшированы 90 яше белән котладылар

Районыбызның Урмышлы авыл җирлегенә караган Елховой авылында яшәүче Гөлсинә әби Бәшировага – 90 яшь.

Гөлсинә әбине гомер бәйрәме белән Урмышлы мәдәният йорты хезмәткәрләре һәм социаль хезмәткәр котлады.

Гөлсинә апа Бәширова элек Елховой авылы клубында эшләгән. Урмышлы мәдәният йорты хезмәткәрләре аның янында еш була, бәйрәмнәрдә: 9 майда, олылар көнендә котлыйлар, хәлләрен сорашалар.

Менә 90 яшенә дә чәчәк букеты, бүләк, тәм-том белән килделәр, матур теләкләр теләделәр. 

Гөлсинә әби янына социаль хезмәткәр килеп йөри. Әбинең үзенең улы һәм кызы шулай ук Елховойда яшиләр. Олы яшьтәге әби һәръяклап игътибар үзәгендә.