Түбән Чыршылы мәктәбендә “тәмле” көзге уңыш бәйрәме узды (+фотолар)

Мәктәпнең һәр сыйныфы шигырь, җыр, табышмак аша көзнең матурлыгын сурәтләгәннәр.

“Көзге композиция”, “Музыкал лимонад” һәм башка кызыклы конкурслар узган.

“Һәр класс рәсем конкурсында катнашты һәм матур итеп поделкалар-эшләнмәләр ясап килделәр. Шулай ук һәр класска бер яшелчәне тәкъдим итү чарасы да узды. Һәр сыйныф әниләре ярдәмендә табын әзерләгән. Бу табыннарда нинди төрле генә ризык юк иде: кыстыбый, алма кагы, кишер бөккәне, гөбәдия, итальян пиццасы, баклажан урамасы, кабактан икра һәм башка ризыклар”, - ди педагог-оештыручы Тәлига Сәйфиева.

Укучылар яшелчәнең килеп чыгышын, витаминнар чыганагын, төрләрен, саклау кагыйдәләрен презентация, нәфис сүз аша тәкъдим иткәннәр.

Соңыннан тәм-томнар белән бергәләп чәй эчкәннәр.