Кирлегәч авылы апалары махсус операция хәрбиләре өчен токмач кисә

Кирлегәч авылы халкы барлык җыелган әйберләрне Лениногорскидагы волонтер төркемгә тапшырыр алдыннан, хәрбиләргә дип, токмач кисү эшен дә башкарды.

Кирлегәчтән Әлфия апа Магизянова социаль челтәрдә язганча, мәдәният йортында иртәдән үк эш кайный.

“Кызлар токмач җәяргә, кисәргә җыелды. Эшләүче кызларыбызның изгелеге исәпсез булып кайтсын, солдатларга барып ирешсен. Бу игелекле кызларыбыз: Гөлфия Шигапова, Минзилә Валирахманова, Мөгаллимә Шәвалиева, Резедә Хузина, Раушания Вәлиева, Галия Вафина, Рәмзия Магизянова, Наилә Фаризова, Әлфирә Кәлимуллина, Хәлилә Галимова, Алсу Салимзянова, Асия Мингалимова, Әнисә Камилова”.