Лениногорск интернат-йортында яшәүчеләр гуманитар ярдәм җибәрүдә катнашты (+фотолар)

Лениногорск картлар һәм инвалидлар интернат-йортында эшләүчеләр һәм социаль ярдәм алучылар махсус хәрби операция зонасында хезмәт итүчеләргә булышырга теләк белдергән.

Шушы көннәрдә алар Луганск халык республикасының Рубежное шәһәре госпиталендә дәваланучы яралылар өчен гуманитар ярдәм әзерләгән. Яралылар өчен алар мендәрләр эчлеге ясаганнар. Ә биредә эшләүчеләр азык-төлек, медикаментлар, шәхси гигиена чараларыннан торган посылкалар җыйган.

Гуманитар ярдәм әзерләүне оештыручы иптернат-йорт җитәкчесе Рәмис Галиев, өлкәннәр бу эштә бик теләп һәм катнашуларын әйтте. Алар бу ярдәмне, госпитальдә дәваланучы солдатларга тизрәк савыгуларын теләп, изге догалар белән озатканнар.

Фото һәм мәгълүмат Лениногорск интернат йортыннан җибәрелде.