Лениногорск районы башлыгы Рәгать Хөсәенов шәһәр һәм районда СВО катнашучыларына һәм аларның гаиләләренә ярдәм күрсәтелү турында сөйләде

«Үзәк хәрби комиссариатта контракт буенча хезмәткә алу пункты урнашкан, алар иртәдән кичкә кадәр эшли. Шулай ук өстәмә штаблар, бүлекләр эшли. Пенсия фондында, күпфункцияле үзәкләрдә мәгълүмат бар. Шәһәрдә адреслар күрсәтелгән баннерлар эленгән. Көненә 5-6 кеше килә, контракт буенча хезмәт белән кызыксына. Күрше районнардан да киләләр, без дә барабыз. Эш тәртибе белән танышабыз», - дип сөйләде ул.

Район башлыгы махсус хәрби операциядә катнашучыларның гаиләләренә ярдәм турында да әйтте.

«Солдатлар, офицерлар илне саклый, алар гаиләләренә ярдәм күрсәтелүне белеп торырга тиеш. Дәүләт Думасы дәрәҗәсендә законнар кабул ителде, без муниципаль дәрәҗәдә карарлар кабул иттек», - диде ул. Мәсәлән, яңа туган балалар комплектларын бирәбез, 1-11 сыйныф укучыларын, көндезге бүлектә укучы студентларны кайнар ризык белән тәэмин итәбез. Балаларга түләүсез өстәмә белем бирү каралган», - диде ул.

Район башлыгы олы кешеләр һәм инвалидлар булган гаиләләргә түләүсез хезмәт күрсәтелүне искәртте. Гаиләләргә газ үткәрү, документ рәсмиләштерү, ремонт эшләре, малларны ризык белән тәэмин итү кебек мәсьәләләр буенча да ярдәм күрсәтелүен әйтте.

Ул өч тапкыр махсус хәрби операция зонасында булуын әйтте. «Анда барачагымны белгәч, мәктәптә акцияләр узды, балалар хатлар язды. Баргач та, хәрбиләр: «Сез хатлар алып килдегезме?» - диләр. Алар хатларны саклыйлар. Егетләр белән горурланам. Без Татарстан һәм Россия флагларын алып барабыз, алар бөтен җирдә күренә», - диде

https://tatar-inform.tatar

#МарафонВСЕСВОИ #Татарстан #СВО #ВСЕСВОИТМ