12нче лицей укучылары макулатура тапшырып, хуҗасыз этләргә ярдәм итте

Шушы ике көн эчендә лицей укучылары һәм аларның әти-әниләре ярдәмендә 1364 килограмм макулатура җыелган. Бу хакта мәктәп сайты хәбәр итә.

Макулатураны иң күп җыючы класс – 3 А. Алар 285,1 кг җыеп, җиңүче сыйныф булды.

Икенче урынны 2 А сыйныфы алды. Күрсәткечләре - 230,1 кг.

Өченче урынны исә 1 Б һәм 4А сыйныфлары алды. Алар 140,1 кг макулатура тапшырганнар.

Макулатурадан кергән финанс средстволары Лениногорскидагы “Верный друг” волонтерлар төркеменә тапшырылган. Алар билгеле булганча, хуҗасыз калган дүрт аяклы хайваннарга: этләргә, песиләргә ярдәм итәләр.

Соңыннан “Верный друг” төркеме үзләренең социаль челтәрендә 12нче лицей коллективына рәхмәт сүзләре җиткерде. “Барлык җыелган акчалар – 11 мең сум күләмендәге финанс средстволары безнең карамакта булган дүрт аяклы хайваннарга азык алыр өчен һәм вакцина үткәрер өчен тотылачак. Сез бик зур ярдәм күрсәттегез”, - дип яза “Верный друг” 12нче лицей коллективына.

фото: https://vk.com/public212810364?w=wall-212810364_1666