Лениногорскиның 3нче мәктәпнең 4нче сыйныф укучылары бер көнгә яшь урманчылар булып карадылар: алар өчен ачык һавада, мәктәпнең дендрарий бакчасында дәрес узды.
Исегезгә төшерәбез: 3нче мәктәптә "Дубки" мәктәп урманчылыгы эшләп килә. Табигатьне өйрәнү, аңа сакчыл мөнәсәбәт тәрбияләү, балаларның урман турында белемнәрен арттыру - бу оешманың төп максатлары. Әлеге урманчылык бер уй-фикер, теләкләр белән янган укучылар берләшмәсе. Алар Лениногорск урманчылыгы белән һәрвакыт тыгыз элемтәдә эшлиләр. Урманчылык хезмәткәрләре балаларга урманчылык өлкәсендәге белемнәрен үстерүдә зур ярдәм итә, үсентеләрне утырту тәртибе белән таныштыралар. 2024 елда мәктәп территориясендә дендробакчага нигез салынды.
Ачык һавада узган дәрескә дә урманчылыктан килделәр. Укучылар урманның һаваны ничек чистартуын, туфракны ничек саклавын һәм климатка теләктәшлек итүен белделәр. Шулай ук урман турында кайгыртучы һөнәрләр белән дә таныштылар. Дәреснең практик өлешендә укучылар агач орлыкларын утыртты: күркәләрне җыеп киптерүләре һәм орлыкларны дөрес чәчү турында белделәр. Хәзер инде булачак агач орлыклары утыртылган савытлар тәрәзә төбендә тора — үсентеләрнең ничек үсүен күзәтү күз уңында булачак.
"Дубки" мәктәп урманчылыгы җитәкчесе Резедә Мөхетдинова әйтүенчә, дәрестә укучыларга "Яшь урманчы көндәлеге" тапшырылган.
“Әлеге көндәлектә биремнәр бар, аларны укучылар үз күзәтүләре буенча тутырга тиешләр. Шулай активлык өчен баллар җыя алалар һәм республика конкурсында үзләрен сынап карый алалар”, - ди.
Дәрес исә самовардан чәй эчеп, һәркем нинди агач үстереп карыйсы килү турында сөйләшү белән тәмамланган.
Нет комментариев