Г.Тукай исемендәге үзәк китапханә якташыбыз Гәрәй Рәхимгә 85 ел тулу уңаеннан бәйге игълан итә

Лениногорскиның Г.Тукай исемендәге үзәк китапханәсе 17 августтан 4 сентябрьгә кадәр «Үз җиремдә үз җырым» дигән конкурс үткәреләчәге турында хәбәр итә. 

Быел, билгеле булганча, күренекле татар шагыйре, Татарстанның халык язучысы, Татарстанның атказанган сәнгать эшлеклесе, Г.Тукай исемендәге Дәүләт бүләге, Саҗидә Сөләйманова премиясе лауреаты, СССР Язучылар берлеге әгъзасы – якташыбыз, Федотовка авылының күренекле улы Гәрәй Рәхимнең  (Григорий Родионов) тууына 85 ел.

Аның иҗат юлларында туган җиргә мәхәббәт, һәр сүзендә традицияләрнең яңгырашы һәм буыннарның зирәклеге яши. Бу мәгънәле юллар яңадан яңгырасын әле.

Конкурс онлайн-форматта үткәрелә: Гәрәй Рәхим әсәреннән шигырь яки өзек укыган видеоны яздыру да җитә. Роликның озынлыгы - 5 минуттан артмаска тиеш.

Катнашучыларның яше чикләнмәгән.

Жюри уку техникасын гына түгел, артистлыкны, эмоциональ тирәнлекне, текстны ачу һәм тыңлаучыга авторның ниятен җиткерү осталыгын да бәяләячәк.

Һәр катнашучыга диплом биреләчәк, дип хәбәр итә китапханә. 

Конкурс турында тулырак мәгълүмат – үзәк китапханәдә, 8(85595)2-31-66, 
+7 917 234 16 77 телефоны буенча белешә аласыз.

фото: ИИ ярдәмендә