Игътибар: Лениногорскида Чайковский-Тукай урамнары чатында шушы көннәрдә светофор эшли башлаячак

Лениногорск шәһәре Башкарма комитеты хәбәр иткәнчә, Чайковский-Тукай урамнары киселешендә юл-транспорт һәлакәтләре арту сәбәпле, юл хәрәкәте иминлеге буенча комиссия әлеге киселештә светофор урнаштыру турында карар кабул иткән.

Шәһәр һәм район хезмәтләре тарафыннан урнаштыру буенча барлык кирәкле чаралар үткәрелгән.

Светофор  шушы көннәрдә эшли башлаячак. Җәяүлеләр һәм машина йөртүчеләр юлның бу өлешендә игътибарлы һәм уяу булсыннар иде, дип хәбәр итә мэриянең матбугат хезмәте.

фото: https://leninogorsk.tatarstan.ru