Иске Иштирәк балалары китапханәче белән мәрхәмәтлелек турында фикер алыштылар

Бу хакта китапханәче Светлана Шакирова хәбәр итә.

“Әлеге акция балалар шәфкатьлелек хисе тәрбияләү, алар күбрәк яхшылыклар кылсыннар дигән максат белән үткәрелә”, - ди ул.

Башлангыч сыйныф укучылары белән уздырган дәрестә алар әдәплелек, шәфкать-рәхимлелек турында фикер алышканнар, мисаллар китергәннәр.

“Бу җирдә яхшылыкмы әллә начарлык күбрәкме, дигән традицион сорауга да җавап бирергә тырыштылар. Балалар фикеренчә, бүгенге заманда начарлык җитәрлек, әмма яхшылык барыбер күбрәк”, - ди Светлана Шакирова.

Балалар белән төсле кәгазьдән “Чәчәкләр аланы” ясаганнар. Чәчәк таҗларына шәфкатьле сүзләр язганнар.

Фото: Светлана Шакирова

 #ДОБРЫЙТАТАРСТАН #МӘРХӘМӘТЛЕТАТАРСТАН

Безнең Лениногорск яңалыклары Телеграм-каналга кушылыгыз.