Игелек акциясе
Иске Куак мәктәбе укучылары чираттагы Шәфкатьлелек дәресе кысаларында Лениногорск картлар һәм инвалидлар интернат-йортында концерт куйдылар һәм бүләкләр тараттылар.
Картлар һәм инвалидлар интернат-йортына бару – мәктәптә узган масштаблы хәйрия акциясен йомгаклау иде.
Ата-аналар, укытучылар һәм укучыларның көче белән ярминкә оештырылды, анда өйдә пешерелгән ризыклар, тәм-томнар һәм кул эшләре сатып алырга мөмкин булды.
Барлык акчалар интернат-йортта яшәүчеләргә бүләкләр сатып алуга тотылды.
Җыелган акчага җылы пледлар сатып алганнар, әлеге пледлар күңел җылысының бер исмволы булып торачак.
Укучылар Лениногорск картлар һәм инвалидлар интернат-йорттагылар өчен бәйрәм концерты әзерләгән иделәр. Алар шәфкатьлелек һәм тынычлык турында шигырьләр сөйләделәр, классик һәм халык җырларын башкардылар.
фотолар: Иске Куак мәктәбеннән
Нет комментариев