Ивановка авылы мәктәбендә капиталь ремонт бара

Районыбызның Ивановка авылы мәктәбендә ел башыннан капиталь ремонт эшләре башланды.

Түшәм, идәннәрне ясыйлар, инженерлык челтәрләрен монтажлыйлар, яктырту линияләре алыштырыла, чиратта башка эшләр.

Ремонт барышы белән Лениногорск районы башлыгы Марат Гирфанов танышты. Аның әйтүенчә, эшләр график буенча бара. Укучылар һәм укытучылар 1 сентябрьгә яңартылган классларда укый башлаячак.

Ремонт барышында укучылар өчен вакытлыча авыл клубында дәресләр үткәрелә.

“Кайда гына яшәсәләр дә, Лениногорск укучыларының уку өчен шартлары бертигез һәм яхшы дәрәҗәдә булуын телим. Федераль программа безгә шәһәрдә һәм авылда мәктәпләрне уңайлы итәргә ярдәм итә. Мәктәптә чиста, якты һәм заманча булганда балаларны укыту һәм уку күпкә күңеллерәк. Бу юнәлештә алга таба да эшләячәкбез", - ди  район башлыгы Марат Гирфанов.

Быел шулай ук Түбән Чыршылы мәктәбе һәм Лениногорскиның 4нче һәм 14нче мәктәпләре ремонтланачак. 

• 2026 елда Лениногорскида мәктәпләрне ремонтлау «Яшьләр һәм балалар» илкүләм проекты буенча бара.
• «Яшьләр һәм балалар» илкүләм проекты — Россия яшьләр сәясәтен үстерү һәм балаларга ярдәм итүнең тагын да масштаблырак стратегиясенең бер өлеше. Ул Россиядә яшьләрнең һәм балаларның яшәү шартларын яхшырту, тәрбияләү һәм үстерү өчен булдырылган.

Фото:  ЛМР матбугат хезмәте