Казанда Медицина университеты кампусын төзергә телиләр

КДМУ ректоры Айрат Фәррахов ТР рәисе Рөстәм Миңнехановка «иҗтимагый университет киңлекләре»программасын төзү инициативасы белән мөрәҗәгать итте. Бу хакта вуз җитәкчесенең матбугат белән очрашуында билгеле булды.

Сүз Бутлеров, Толстой, Щапов һәм Курашов кварталы турында бара, анда вуз биналары, республика кожвендиспансеры һәм тарихи клиникалар – Вишневский, Груздев, Меньшиков урнашкан.

"Дөнья университетларыннан аермалы буларак, безнең турыдан-туры аңлауда кампуслар юк. Барысы да шәһәр эченә кертелгән, коймалар һәм шлагбаумнар белән әйләндереп алынган. Ә мин киртәләрне алып куярга һәм бу территорияне шәһәр халкы, туристлар, студентлар өчен ачык итәргә тәкъдим итәм», – дип сөйләде Фәррахов.

Аның уйлавынча, биредә технопарклар, яшьләр өчен пространстволар, кафелар барлыкка килергә тиеш. Идея Татарстан җитәкчелеге тарафыннан хуплау тапты. Хәзер Казан  медицина университеты концепцияне эшли.

татар информ