Казаннан Сочига туры рейс ачтылар
«Аэрофлот» авиакомпаниясе 1 июньнән Казан һәм Россиянең башка шәһәрләреннән Сочига туры рейслар ачты.
Бу хакта авиакомпаниянең матбугат хезмәте хәбәр итә.
Татарстан башкаласыннан тыш, туры рейслар Санкт-Петербург, Омск, Пермь, Уфа, Самара, Екатеринбург, Түбән Новгород һәм Төмән шәһәрләреннән дә ясалачак.
Пассажирларга көн саен Airbus A320 урта магистраль лайнерлары хезмәт күрсәтәчәк. Актуаль расписание авиакомпания сайтында урнаштырылган.
«Татар-информ» агентлыгы май ахырында Казаннан Төркиянең Даламан шәһәренә чартер туристик авиарейслары яңартылуы хакында элегрәк хәбәр иткән иде. Июнь уртасында Татарстан башкаласыннан Таулы Алтай шәһәренә дә рейслар яңадан ачыла.
https://tatar-inform.tatar/news/aeroflot-kazannan-sociga-tury-reis-acty-5855438
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев