Җиңүчеләрне жюри ачыклаган.
14 мартта Я.Емельянов исемендәге мәдәни үзәктә республикакүләм III «Җәшнә, кояш, җалтыра» ( «Свети, о Солнце, сверкай») керәшен культурасы конкурс-фестиваленең жюри членнары утырышы узды.
Конкурска Татарстанның 15 районыннан, Мари-Эл республикасыннан, Яр.Чаллы, Казан шәһәрләреннән барлыгы 79 гариза килгән. Шуларның 76сы конкурс шартларына туры килә дип табылган.
Фестивальнең финалистлары:
Автор-башкаручы. Шигырь. ( 10-17 яшьлекләр) – Динекаев Дамир Ильшатович
Автор-башкаручы. Шигырь. (18 яшьлекләр һәм аннан олыраклар) – Шамсуаров Таһир Яруллович
Автор-башкаручы. Җыр. (18 яшьлекләр һәм аннан олыраклар) – Янеева Людмила Николаевна. Людмила Әлмәт районыннан дип билгеләнгән. Шулай булса да, ул – Федотовка авылы кызы. Димәк, безнеке.
Керәшен шагыйрьләре шигырьләрен укучылар (18 яшьлекләр һәм аннан олыраклар) – Шәмсуарова- Рахманова Ләйсән Таһировна.
Җиңүчеләрне 26 март көнне Казанда Я.Емельянов исемендәге мәдәни үзәктә котлаячаклар.
Нет комментариев