Куакбаш китапханәсендә әдәби очрашу үтте

Бу хакта китапханә социаль челтәрдә хәбәр итә.

Очрашуга Чишмә" иҗат берләшмәсенең җитәкчесе, Татарстан язучылар берлеге әгьзасы шагыйрь Таһир Шәмсуаров, шагыйрә, композитор Гөләндәм Кәбирова, Бөтендөнья татар конгрессының Лениногорск бүлеге җитәкчесе Ләйсән Рахманова - Шәмсуарова килгән.

Әлбәттә, әдәби очрашу булгач, Куакбаш авылының иҗат кешеләре дә бу чарадан читтә калмаган: җирле шагыйрьләрь -  Мәмдүдә Валиуллина, Фәнүсә Сагдиева, Халидә Бегҗанова, Зөлфия Мөхәммәтҗанова, Мансур Хәсәнов катнашкан.

"Рухият" нәшриятендә басылып чыккан "Әдәби офыклар" китабын презентацияләү булды. Таһир Яруллович бу җыентыкка шигырьләре кергән шагыйрьләрне котлап, аларга әлеге китапны бүләк иткән.

Кичә шигырь, җыр - моң белән үрелеп барды. Шагыйрьләрь тамашачыларга үзләренең яңа иҗат җимешләрен бүләк итте, аларның шигырьләренә иҗат ителгән җырлар яңгырады. Очрашу  җылы, чын шигьрият дулкынында узды.

фотолар: https://vk.com/public212016920