Лениногорск картлар һәм инвалидлар интернат-йортында «Солдатта булган диләр» бәйгесе булып узды

Бу осталык, тапкырлык һәм хәрби әзерлекне сынап карауга багышланган чара беренче бөтендөнья сугышы геройларына багышланды.

Чарада катнашучылар башта 1914-1918 нче еллар тарихына тукталып, Россия армиясенең герой -полководецлары Алексей Брусилов, Лавр Корнилов, Михаил Алексеев һәм Николай Духонин, алар командылык иткән полкларның сугышчан батырлыгы турында документаль фильм карадылар.

Икенче өлешендә, интернат-йортта яшәүче, барысы да үз вакытында хәрби хезмәт юлы үткән ир-атлардан торган ике команда  бәйгедә ярышты.

Бәйге биремнәре дүрт төрле иде: беренчесе - таныш булмаган урында ориентлашу һәм палатка корып кую. Билгеле, чын палатканы яңгыр һәм кояштан саклаучы олы зонтлар алыштырды, әмма бәйгенең җитди һәм мавыктыргычлыгы моның белән генә кимемәде.

Икенче турда  интернат-йорт бакчасыннан коры-сары җыеп, алардан  «учак»  бастырып куярга тиеш иделәр. Өченче бирем – төзлекне сынауга, ә дүртенчесе хәрби дәрәҗәләрне белүгә багышланды. Соңыннан бәйгедә катнашучылар волонтёрлар алып килгән күчтәнәчләр белән сыйландылар.

фотолар: Исламия Галимова