Лениногорск лагерьларендә «янгын»: эвакуация буенча күнегүләр үткәрелде

Лениногорск районы лагерьларында планлы рәвештә эвакуация буенча күнегүләр үткәрелде. 

«Юбилейный», «Ландыш» һәм «Дружба» балаларны сәламәтләндерү һәм ял лагерьларында 11 нче янгын сүндерү часте хезмәткәрләре һәм  Лениногорск районы буенча күзәтчелек эшчәнлеге һәм профилактика эшләре бүлеге хезмәткәрләре белән берлектә узды.

Мондый күнегүләрне уздыруның төп бурычы – янгын чыккан очракта балалар лагерьларының тиз һәм куркынычсыз эвакуацияләүне тәэмин итү, хезмәткәрләрнең һәм балаларның гомерен һәм сәламәтлеген саклау буенча күрелә торган кичектергесез чараларга әзерлеген һәрьяклап тикшерү. Мондый күнегүләр бик мөһим, нәкъ менә алар балаларны ашыгыч хәлләрдә югалып калмаска, паникага бирелмәскә һәм алар барлыкка килгәндә нишләргә икәнен төгәл белергә өйрәтә.

Хәбәр итү сигналы буенча балалар һәм хезмәткәрләр тыныч кына бинадан чыгып киттеләр. Отрядлар спорт мәйданчыгында җыелды, ә вожатыйлар катнашучыларның саны турында хәбәр итте, шулай ук балаларның бүлмәләрне өстәмә рәвештә карап чыктылар.

Лагерь персоналы һәм балалар белән янгын куркынычсызлыгы таләпләре һәм янгын очрагындагы гамәлләр буенча инструктажлар үткәрелде, янгын куркынычсызлыгы турында белешмәлекләр таратылды.

Балаларның ялы хәвеф-хәтәрсез узсын. 

фото:  Отдел надзорной деятельности 
и профилактической работы по ЛМР РТ