69 яшьлек ир-ат белән катлаулы хәл килеп чыккан.
Лениногорскиның Гагарин урамындагы йортларның бер фатирында 69 яшьлек ир-ат шактый кыен хәлдә калган – аның аягы диванга кысылып калган.
Ир-ат бик тырышса да, мөстәкыйль рәвештә иреккә чыга алмаган. Пенсионерга ярдәмгә 7 нче зона эзләү-коткару отряды хезмәткәрләре килгән. Кул инструментларын кулланып, коткаручылар ир-атны мебель әсирлегеннән җайлы гына азат иткәннәр.
Ир-атның сәламәтлегенә аерым җитди зыян килмәгән, тәкъдим ителгән медицина ярдәменнән ул баш тарткан.
Нет комментариев