Лениногорск районында парсыз ефәк күбәләге белән көрәшәчәкләр

Аерым алганда, Елховка, Алкино, Дурасово, Югары Каран, Тимәш, Савочкино, Иске Писмән, Восход, Алешкино, Вәли хуторы, Яңа Чыршылы, Зәй-Каратай, Горкино һәм Лениногорск шәһәре урманнарында биологик препарат ярдәмендә көрәшәчәкләр.

Республиканың урман тармагы белгечләре тарафыннан эшкәртү урыннарыннан 300 һәм 500 метр ераклыкта кисәтү билгеләре куелган.

Урман корткычларын бетерү буенча чаралар уздырылган урыннарда гражданнар йөрмәскә тиеш, шулай ук транспорт чаралары белән дә кермәскә. Маллар- хайваннар көтүе, дару үләннәре җыю тыела, умарта оялары урнаштырмаска дип хәбәр итә Лениногорск урман хуҗалыгы.

Парсыз ефәк күбәләге  агачларга һөҗүм итеп, тиз арада аларның яфракларын ашап бетерә.

Корткыч агачларга өч ел рәттән зыян салган очракта, агачлар көчсезләнә. Белгечләр әйтүенчә, парсыз ефәк күбәләге кортлары аеруча имән, каен, юкә, усак агачлары яфракларын яратып ашый. Азык җитми башласа, корткычлар ылыслы агачларга да күчәргә мөмкин.

фото: https://leninogorsk.tatarstan.ru/index.htm/news/2313548.htm