Февраль ае башыннан Лениногорск Мәшгульлек үзәге “Карьера навигаторы”н эшләтеп җибәрде,
ул Лениногорск районының 8-11нче сыйныф укучылары өчен.
“Проектның төп максаты – мәктәп укучыларына һәм студентларга аңлы рәвештә һөнәр сайларга һәм эшкә урнашуга индивидуаль юл булдырырга ярдәм итү”, - дип аңлатты Мәшгульлек үзәге директоры Лилия Шагиева.
Февраль аенда кадрлар үзәге профконсультанты Наталья Давыдова 6 белем бирү учреждениесендә 218 укучы белән һөнәри юнәлеш бирү эше үткәрде.
Укучылар профориентацион тест уздылар, нәтиҗәдә үзләренең һөнәри юнәлешләре турында белделәр.
«Аларның һәрберсе булачак һөнәрне дөрес сайлар дип ышанабыз”, - диде Лилия Шагиева.
фото: ЦЗН
Нет комментариев