Лениногорск ЗАГС бүлегендә Асия һәм Рәшит Вилдановлар гаиләсе 45 еллыгын билгеләп үтте

Рәшит Киам улы һәм Асия Камил кызы –  зур хезмәт ияләре. Хәзер инде пенсиядә. Гомер буе Шөгер авылында яшиләр, зур йортлары бар, хуҗалык алып баралар.

Дүрт бала үстергәннәр, хәзер 11 оныклары  бар. 

Асия Камил кызы-кунакчыл, пөхтә, кайгыртучан хатын, әни һәм әби.

Рәшит Киамович-сабыр, кайгыртучан ир, әти һәм бабай.

Ирле-хатынлы Вилдановлар беркайчан да эшсез утырмыйлар. Аларның иркен йортының ишекләре балалары һәм якыннары, дуслары, күршеләре  өчен һәрвакыт ачык. Җәен алар бакчада яшелчәләр  үстерәләр.

Тантаналы көндә аларны  балалары һәм якыннары котлады, ә ЗАГС бүлеге хезмәткәре Вилдановларга 45 ел бергә яшәү турындагы  юбилей таныклыгы тапшырды.

Традиция буенча аларның исемнәре Лениногорск районының юбилярларының мактау китабына кертелде.

фотолар: ЗАГС бүлегеннән