Лениногорскида иске суүткәргечне яңасына алыштыралар

Шәһәрдә суүткәргечне масштаблы реконструкцияләүнең икенче этабы актив дәвам итә, ул дистәләгән мең халыкны һәм бөтен авыл җирлекләрен эчәргә яраклы су белән тәэмин итәчәк. Эшләр 2025 елда «Тормыш өчен инфраструктура» илкүләм  проекты кысаларында старт алды, һәм хәзер аларның әзерлеге  85% ка җитте.

Гамәлдәге суүткәргечнең озынлыгы 30,5 км тәшкил итә.ул 1990 нчы елларда ук төзелгән һәм дистә еллар файдалану дәверендә аның тузуы 85% ка җиткән. Узган җәйдә белгечләр 7,5 км челтәрне яңарткан инде.

Быел тагын 8,2 км суүткәргеч коммуникацияләрне алыштыру планлаштырыла. Бюджеттан бу максатларга 333 миллион сумнан артык акча бүлеп бирелгән. Төзелеш-монтаж эшләрен генераль подрядчы — «Энергетика сервис компаниясе» алып бара.

Объектта агымдагы ел эшләрен август аенда тәмамлау планлаштырыла. Шул ук вакытта 2025-2026 еллар планына кермәгән участок калачак — аны 2027 елга программага кертергә җыеналар.

АиФ Казань