Лениногорскида «Конструктив диалог» проекты узды
«Татарстан Республикасының иҗат яшьләре академиясе» региональ иҗтимагый оешмасы республиканың террорчылыкка каршы комиссиясе белән берлектә, Лениногорскида күчмә «Конструктив диалог» чарасын оештырды.
Әлеге проект - куркынычсызлык өлкәсендәге компетенцияләрне һәм белемнәрне формалаштыруга һәм үстерүгә, укучыларның һәм студентларның психологик сәламәтлегенә ярдәм итүгә, яшьләр арасында экстремизмны һәм террорчылык идеологиясен профилактикалауга юнәлдерелгән чара.
Лениногорскида берничә мәйданчыкта, аерым алганда, музыка-рәсем сәнгате педагогика колледжында, политехник колледжда, нефть техникумында «Конструктив диалог» үтте.
Лениногорск политехник колледжда чараның спикеры - ТР Террорчылыкка каршы комиссиясе аппараты җитәкчесенең яшьләр ярдәмчесе Степан Перевозчиков иде.
Ул Интернет челтәрендә куркынычсызлык кагыйдәләре турында, ничек итеп мошенниклар кулына эләкмәскә икәнлеген сөйләде. Яшьләр Кибербуллинг, фишинг, эхо-камера һәм башкалар турында җентекле аңлатмалар алдылар.
Мондый чаралар республиканың башка районнарында 10 марттан 17 апрельгә кадәр узачак, 100дән артык чараны үз эченә ала. Алар интерактив форматта уза, лекторийлар, кейс-чемпионатлар, квизлар һәм викториналар.
Р.Мостафина фотолары
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев