Лениногорскида МХОда һәлак булган герой-якташлар хөрмәтенә грек-рим көрәше турниры узды

Лениногорскиның “Яшьлек” спорткомплексында герой якташларыбыз – СВОда һәлак булган Сергей Исаев һәм Альберт Хавандеев истәлегенә багышланган грек-рим көрәше турниры булды.

Бәйгедә Татарстан, Башкортстан һәм Казахстаннан җыелган көрәшчеләр бил алышты.

Ярышларны карарга герой егетләребезнең гаиләләре, туганнары һәм дуслары да килгән иде. Сергей Исаевның әти-әнисе Андрей Сергеевич һәм Вера Ивановна, кыз туганы Дарья, тормыш иптәше Екатерина һәм дусты Артур, ә Альберт Хавандеевның абыйсы Радик Геннадьевич, хезмәттәшләре, бүгенге көндә кыска вакытлы ялга кайткан Рим Сәхапов һәим Ильшат Вилданов катнашты. 

Төбәкара көрәш бәйгесе 2012-2013 елларда туган үсмерләр арасында узды. Үз үлчәү категорияләрендә Лениногорск грек-рим көрәшчеләре Мортазин Радмир, Данил Неустроев , Павел Антонов, Егор Гамза, Кирилл Иванов җиңү яуладылар. 

Икенче урыннарны Әмир Саинов һәм Раяз Саримов алды.

Турнирның бронза призерлары:  Реналь Хәбибуллин, Кәрим Гыйниятуллин, Ярослав Хәкимов, Артём Малышев һәм Мөхәммәд  Эшонов.

фотолар: 3нче спорт мәктәбеннән