Лениногорскиның «Исток-Башлангыч» үзәгендә балчык эшләнмәләре күргәзмәсе оештырылды
Лениногорск муниципаль районының «Исток-Башлангыч» халыкка социаль хезмәт күрсәтү комплекслы үзәгендә «Гаилә остаханәсе — чүлмәкчелек эше» проекты буенча социаль хезмәт алучыларның балчыктан эшләнгән әйберләре күргәзмәсе оештырылды.
Проект авыр тормыш хәлендә калган балаларга ярдәм фонды ярдәмендә гамәлгә ашырыла.
Аның максаты – балигъ булмаганнарның һәм аларның гаиләләренең иҗади сәләтләрен үстерү һәм гамәли сәнгать белән шөгыльләнү аша социаль тернәкләндерү. Күргәзмәдә балалар һәм ата-аналар тарафыннан бергәләп башкарылган утыздан артык эш тәкъдим ителде.
Һәр эшләнмә уникаль. Чүлмәкчелек белән шөгыльләнү балаларга киеренкелекне киметергә, вак моториканы үстерергә һәм үз-үзләренә ышаныч булдырырга ярдәм итә.
«Исток-Башлангыч»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев