Мичурин авылында: игелекле эшләр рәхмәт булып кайта

Мичурин авылы мәдәният йортында  “Исемең синең – хатын-кыз” волонтерлык төркемнең очрашуы узды.   Авыл җирлегендә яшәүче битараф булмаган һәм актив хатын-кызларны җыйган чара чын күңелдән ихлас күңелдән рәхмәт бәйрәменә әверелде.

Очрашуга мөһим вакыйга сәбәп булды: волонтерлар төркеменә 75235 нче хәрби часть командованиесеннән Рәхмәт хаты тапшырылды. Волонтерлар  күрсәтелгән ярдәм, җыелган гуманитар йөк, армый-талмый активлык һәм Донецк Республикасын саклаучыларга ярдәм күрсәткәннәре өчен рәхмәт сүзләрен ишеттеләр.

“Безнең тырышлыкларны алгы сызыктагы хәрбиләрнең бәяләве бик күңелле", - дип уртаклаштылар очрашуда катнашучылар хис-кич 
Авыл җирлеге башлыгы Иванова  Рәмзия , волонтер Светлана Григорьева чыгышлары  чараның  бизәге булды. 

Волонтер Светлана Григорьева  бердәмлек көче, егетләребезгә ярдәм итүнең мөһимлеге турында сөйләде һәм һәр хатын - кызга өлеш керткәне өчен рәхмәт белдерде.

Аннары очрашуга җыелучылар ханымнар чәй өстәле артында аралашып утырды,  МХОга ярдәм итүнең чаралары турында сөйләште.

Искә төшереп үтик: Мичурин һәм Яңа Сережкино авыллары Лениногорскидагы  “С любовью и молитвами” волонтер төркемнең филиаллары булып тора.  Алар СВОга ярдәм итү буенча эш алып бара.

фотолар: Мичурин китапханәсеннән