Рөстәм Миңнеханов 430 нчы полкны «гвардия» исеме бирелү белән котлады

«Барыгызны да «гвардия» дигән мактаулы исем бирелү белән котлыйм. Бу батыр мотоукчылар формированиесенең сугышчан казанышларын тану, сезнең махсус хәрби операция барышында катлаулы сугышчан бурычларны үтәгәндә күрсәткән батырлыгыгызны һәм ныклыгыгызны югары бәяләү», – диде Миңнеханов.

Татарстан Республикасы Рәисе билгеләп үткәнчә, татарстанлылар үзләренең батыр якташлары – җиңүчеләр буынының лаеклы варислары белән горурланалар, алар Ватанга фидакарь хезмәт итү, хәрби һәм гражданлык бурычларына тугрылык традицияләрен дәвам итәләр.

«Барлык сугышчыларга нык сәламәтлек, уңышлар һәм безнең Җиңүгә какшамас ышаныч телим. Гвардия полкы байрагын югары күтәрегез һәм исән-сау өйгә кайтыгыз», - дип өстәде Миңнеханов.

Чыганак:  https://tatar-inform.tatar