Шөгердә «Безнең капка төбендә» кич утыруы узды

"11нче август көнне Шөгер авылы Горький урамында яшәүче авылыбызның хөрмәтле кешесе -  Сәрия апа Тухватуллинаның йорты каршында кабаттан «Безнең капка төбендә» дип исемләнгән урам бәйрәме узды.

Ул бәйрәмгә үзенең тирә-күршеләрен, бәйрәмдә катнашырга теләгән барлык авылдашларын дәште. Очрашу күңелле уеннар, дәртле биюләр, матур шигырьләр һәм моңлы җырлар белән үрелеп барды.

Бәйрәм азагында күршеләре -  Фаннур абый белән Халисә апа пешереп килгән искитееч тәмле пылаудан сыйландык һәм кунаклар алып килгән күчтәнәчләр белән самовардан чәйләр эчтек", - дип хәбәр итә мәдәният йортыннан Гүзәл Закирова- Рәхимова.

фотолар: https://vk.com/feed?w=wall-119225744_4400