Татарстанда «Безнең ишегалды» программасы буенча эшләр апрель башында башлана

Бу хакта традицион республика киңәшмәсендә «Татарстан Республикасы шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова сөйләде.

Программа буенча алдагы өч докладта күтәрелгән милекчеләрнең гомуми җыелышлары беркетмәләрен килештерү бурычы уңышлы тәмамланган. «Хәзер бездә яшәүчеләрдән төзекләндерү эшләрен башкаруга рәсми ризалык бар", – дип ассызыклады Арина Петрова.

Киләсе этап – халык белән булачак очрашуларга төзекләндерүнең йомгаклау схемаларын әзерләү. Хәзерге вакытта барлык 560 схема да тикшерүгә йөкләнгән. Техник заказ бирүче һәм яктырту буенча подрядчылар 29% схеманы тикшерә, ә тагын 20% кисәтүләр алганнан соң эшләп бетерүдә.

Ишегалларында эшләрне параллель рәвештә башкарачак ресурслар белән тәэмин итүче оешмалардан барлык мәгълүматлар инде алынган. Хәзер юл эшләрен һәм программа буенча тышкы яктырту эшләрен башкару графигын формалаштыруга керешергә мөмкин.

Татар-информ