Татарстанда Бөтендөнья хезмәтне саклау көненә багышланган чаралар 1 апрельдә башлана
Бөтендөнья хезмәтне саклау көненә багышланган чаралар Татарстанда 1 апрельдән 1 июньгә кадәр узачак.
Татарстан Республикасы Министрлар Кабинетының тиешле боерыгына 2026 елның 26 февралендә кул куелган, дип хәбәр итә Татарстан Республикасы Дәүләт төзелеш күзәтчелеге инспекциясе матбугат хезмәте.
Бөтендөнья хезмәтне саклау көне производствода травматизм һәм аварияләрне профилактикалауның төп инструментларының берсе буларак карала.
Икътисадта иң имгәнү куркынычы булган төзелеш тармагына аерым игътибар бирелә. Шуңа бәйле рәвештә төзелеш мәйданчыкларында куркынычсызлык мәсьәләләре аеруча әһәмияткә ия.
Бөтендөнья хезмәтне саклау көне ел саен 28 апрельдә билгеләп үтелә. Аның тарихы 1989 елда башлана, ул вакытта АКШ һәм Канада профсоюзлары һәм хезмәткәрләре производствода һәлак булган хезмәттәшләре истәлегенә беренче чаралар үткәргәннәр.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев