Татарстанда ел башыннан урман территорияләре янында 190 янгын чыгуы ачыкланган

Мондый мәгълүматларны ТР «Урман-янгын үзәге» төбәк диспетчерлык хезмәте китерә, дип хәбәр итте республика урман хуҗалыгы министрының беренче урынбасары Илгизәр Зарипов.

Министр урынбасары сүзләренә караганда, 2026 елда Татарстанда урман фонды җирләрендә янгын чыгу очраклары теркәлмәгән. Хәзер республикада урманнарда янгын куркынычы буенча өченче класс гамәлдә. Мөмкин булган янгыннарны булдырмау өчен белгечләр вәзгыятьне космик, авиация һәм җир өсте мониторингы ярдәмендә контрольдә тотуны дәвам итә.

Татарстан Урман хуҗалыгы министрлыгы халыкка урманнарда янгын куркынычсызлыгы кагыйдәләрен үтәргә кирәклеген искәртә. Янгын куркынычы булган чорда чүп калдыру яки яндыру, коры үләнгә ут төртү, җиһазландырылмаган урыннарда учак ягу, сүнмәгән шырпы һәм тәмәке төпчекләрен җиргә ташлау тыела. Шулай ук очкын чыганагы була ала торган төзек булмаган транспортны кулланырга һәм пиротехник эшләнмәләрне кулланырга ярамый.

Урманнарда янгын чыгу турында 8-800-100-94-00 һәм 8 (843) 221-37-95 телефоннары буенча хәбәр итәргә кирәк.

Урман фонды җирләрендә урман янгыннары мәйданының кимүе «Татарстан Республикасында урманнарны саклау» региональ проектының максатчан күрсәткечләренең берсе булып тора, ул «Экологик иминлек» илкүләм проектының «Урманнарны саклау» федераль проектына керә.

татар-информ