Татарстанда июль ае гадәттәгедән җылырак булачак

Синоптиклар мәгълүматларына караганда, явым-төшем күләме исә күпьеллык уртача күрсәткечләргә якын булачак.

Татарстанда июль ае һава торышы быел климатик нормадан якынча 0,5 градуска җылырак булыр дип фаразлана. Бу хакта Татарстан Гидрометеорология үзәге хәбәр итте.

Белгечләр мәгълүматлары буенча, республикада июль аеның уртача климатик температурасы +19,9 градус тәшкил итә. Быел ул +20,4 градуска җитәргә мөмкин. Казанда исә күпьеллык норма +20,5 градус булса, уртача температура +21 градус тирәсендә көтелә.

Айлык явым-төшем күләме гадәти чикләрдә булачак. Республика буенча уртача 56 миллиметр, ә Казанда 63 миллиметр явым-төшем көтелә.

«Июль аенда республика территориясендә уртача һава температурасы климатик нормадан ярты градуска югарырак булыр дип фаразлана», – дип хәбәр итә Татарстан Гидрометеорология үзәге.

Татар-информ