Татарстанның Бөгелмә районында 22,5 – 24,5 км участогында 2 километрдан артык озынлыктагы Бөгелмә – Уральск автомобиль юлына капиталь ремонт ясала.
Бу хакта ТР Транспорт министрлыгы матбугат хезмәте хәбәр итә.
Хәзерге вакытка объектта булган асфальт-бетон өслекне фрезерлау, асфальт-бетоннан аскы катламны һәм вак таш-мастика асфальт-бетоныннан өске катламны 17 мең кв.метр мәйданлы җәю эшләре тәмамланган.
Моннан тыш, юл кырыйларын вак таш-ком катнашмасы белән ныгыту эшләре башкарылды, дип ачыклык керттеләр ведомствода.
Хәзер подрядчы оешма, «Татнефтедор» 58 юл билгесе һәм 98 сигнал баганасы урнаштыру белән шөгыльләнә.
Бөгелмә-Уральск төбәк автоюлының гомуми озынлыгы 24 километр. Ул Оренбург өлкәсе чигенә чыга һәм Ижевск – Бузулук – Казахстан транспорт коридорының бер өлеше булып тора.
Юл эшләре «Яшәү өчен инфраструктура» илкүләм проекты буенча башкарыла.
Татар-информ
Нет комментариев