Татарстанда илкүләм проект кысаларында Чистай – Аксубай – Нурлат юлын төзекләндерделәр
Татарстанның Аксубай районында Чистай – Аксубай – Нурлат автомобиль юлының 1,2 чакрым озынлыктагы участогы төзекләндерелде.
Эшләр «Тормыш өчен инфраструктура» илкүләм проекты кысаларында башкарылды, дип хәбәр итә ТР Транспорт һәм юл хуҗалыгы министрлыгының матбугат хезмәте.
«Объектта асфальт-бетон катнашмасыннан тигезләүче катлам җәелде, 8,7 мең квадрат метр мәйданда вак ташлы-мастиклы асфальт-бетон катнашмасыннан юлның өске катламы ясалды», – дип билгеләп үттеләр министрлыкта.
Шулай ук эшчеләр юл читләрен вак таш һәм ком катнашмасы белән ныгыткан һәм юл билгеләрен яңарткан.
«Тормыш өчен инфраструктура» илкүләм проектының максатларының берсе – торак пунктларны комплекслы үстерү, шул исәптән юллар төзү һәм ремонтлау, җәмәгать һәм ишегалды территорияләрен төзекләндерү.
Яңа илкүләм проектлар узган елдан башлап Россия Президенты Владимир Путин карары буенча гамәлгә ашырыла.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев