Татарстанда кабул итү кампаниясе башланды: бюджет урыннары артты

Югары уку йортларына кабул итү кампаниясе башланды.

Татарстанда бюджетка 23 000нән артык студент кабул итәргә әзер. Кайбер университетлар яңа юнәлешләр һәм эшкә урнашу перспективалары белән җәлеп итә, икенчеләре — югары уку йортына әзерлек һәм документларны тапшыру уңайлылыгы белән. 

Абитуриентлар арасында цифрлы белгечлекләрне күбрәк сайлый — айти, ясалма интеллект, инженерия, энергетика, химик технологияләр һәм робот техникасы. 

Хәзерге абитуриентлар документларны интернет аша бирүне өстен күрә.. Бер яктан, бу процессны тизләтә һәм гадиләштерә, ә икенче яктан, кабул итү комиссияләрендә традицион чират торулар үткәнгә китә. 

Хәзер фойеда институтлар һәм факультетлар вәкилләре күбрәк абитуриентларга һәм аларның ата-аналарына консультация бирә.  Республикада бюджетка керү өчен педагогика, информатика, электр һәм җылылык энергетикасы, химия технологияләре һәм машина төзелеше өстенлекле булып кала. 

Күпчелек югары уку йортларының киләчәктә эшкә урнашу белән махсус юнәлешләре дә бар. Аларга матди һәм техник яктан әйдәп баручы предприятиеләр — чыгарылыш сыйныф укучыларының булачак эш бирүчеләре ярдәм итә. 

Татарстанда 45 дәүләт һәм 17 хосусый югары уку йорты абитуриентларына сайлау мөмкинлеге бар. Бюджет урыннары саны буенча лидерлар – КФУ, КНИТУ-КХТИ һәм КНИТУ-КАИ. Кабул итү кампаниясенең төп өлеше 7 августта тәмамланачак. 

ТНВ