Татарстанда күп фатирлы йортлар төзүнең уртача срогы ике ел тәшкил итә

 Шул ук вакытта төбәк тиз «панель» базарлары һәм катлаулырак эре агломерацияләр арасында калды.

Апрель аенда Татарстан күп фатирлы йортлар төзү тизлеге буенча Россиядә 38 нче урынны алды. Бу йорт салучыларның Бердәм ресурсы мәгълүматларыннан күренә. Республикада бер объектны сафка бастыруның уртача срогы 760 көн, ягъни ике елдан аз гына артыграк.

Төзелеш структурасы буенча Татарстанга якынрак Ульяновск өлкәсе, Кабарда-Балкар Республикасы һәм Липецк өлкәсе урнашкан. Монда монолит-кирпеч технологиясе өстенлек итә, ә уртача срок якынча 1,5 ел тәшкил итә. Шул ук вакытта югарырак тизлек күп очракта проектларның кечерәк масштабы белән аңлатыла.

Срокларны арттыруның төп факторларының берсе проектлар масштабларының үсүе булды. Апрельгә булган мәгълүматларга караганда, Татарстанда төзелә торган күпфатирлы йортның уртача мәйданы 7,1 мең кв.метр тәшкил итә. Ике ел эчендә үсеш якынча 38% тәшкил итте, дип билгели ЕРЗ. Шул ук вакытта уртача катлылык инде күп еллар тотрыклы кала – 16 кат тирәсе.

Татар информ