Рөстәм Миңнеханов төзелеш тармагы вәкилләрен БРИКС Төзелеш атналыгына чакырды. Бу хакта Татарстан Рәисе Рөстәм Миңнеханов МАКСтагы каналында хәбәр итте.
Татарстанда ноябрь аенда БРИКС Төзелеш атналыгы узачак. Форумда кайбер илләрнең төзелеш тармагы вәкилләре катнашачак.
«Чара зур әһәмияткә ия, ул төзелеш тармагы вәкилләре, риэлторлар өчен файдалы булачак. Һичшиксез катнашыгыз, эшлекле элемтәләрне үстерегез», – дип язган Миңнеханов.
БРИКС Төзелеш атналыгы кысаларында шулай ук күчемсез милек күргәзмәсе узачак, анда Россия төзелеш компанияләренең проектлары тәкъдим ителәчәк.
Моннан тыш, төзелеш материаллары, технологияләр һәм җиһазлар ярминкәсе планлаштырылган.
Миңнеханов алдагы чараның мөһимлеген билгеләп үтте һәм тармак вәкилләрен форумда катнашырга чакырды.
Нет комментариев