Татарстанда почта хезмәткәре бүлек кассаларыннан 61 миллион сум акча урлауда гаепләнә

Алабугадагы почта бүлекчәсе хезмәткәре аеруча зур күләмдә акча урлауда гаепләнә. Бу хакта Татарстан Прокуратурасы хәбәр итә.

Тикшерүчеләр фаразлавынча, хатын-кыз 2022-2026 елларда бүлек кассаларыннан акча урлаган. Аның өстенә чыккан акча 61 миллион сумнан артып киткән. Җинаять эзләрен яшерү өчен, ул офиска ут төртергә тырышып караган, ләкин янгынны вакытында сүндергәннәр.

Хатын-кыз сак астына алынган.

 https://tatar-inform.tatar